Tamam log akailey, koye rehbar hi na tha

 Tamam log akailey, koye rehbar hi na tha

تمام لوگ اکیلے، کوئے رہبر ہی نہ تھا

بچھڑنے والوں میں اک میرا ہمسفر ہی نہ تھا

برہنہ شاخوں کا جنگل گڑا تھا آنکھوں میں

وہ رات تھی کہ کہیں چاند کا گزر ہی نہ تھا

تمھارے شہر کی ہر چھاؤں مہرباں تھی مگر

جہاں پہ دھوپ کھڑی تھی وہاں شجر ہی نہ تھا

سمیٹ لیتی شکستہ گلاب کی خوشبو

ہوا کے ہاتھ میں ایسا کوئی ہنر ہی نہ تھا

میں اتنے سانپوں کو رستے میں دیکھ آئی تھی

کہ ترے شہر میں پہنچی تو کوئی ڈر ہی نہ تھا

کہاں سے آتی کرن زندگی کے زنداں میں

وہ گھر ملا تھا مجھے جس میں کوئی در ہی نہ تھا

بدن میں پھیل گیا شاخ بیل کی مانند

وہ زخم سوکھتا کیا، جس کا چارہ گر ہی نہ تھا

ہوا کے لائے ہوئے بیج پھر ہوا میں گئے

کھلے تھے پھول کچھ ایسے کہ جن میں زر ہی نہ تھا

قدم تو ریت پہ ساحل نے بھی رکھنے دیا

بدن کو جکڑے ہوئے صرف اک بھنور ہی نہ تھا

 پروین شاکر      

Tamam log akailey, koye rehbar hi na tha

Bicharnay walon mein ik mera hamsafar hi na tha

Barhana shakhon ka jungle gara tha aankhon mein

Woh raat thi ke kahin chand ka guzar hi nah tha

Tumhare shehar ki har chaon mehrbaan thi magar

Jahan pay dhoop khari thi wahan shajar hi nah tha

Samait layte shakista ghulaab ki khushbu

Hawa ke haath mein aisa koi hunar hi nah tha

Mein itnay sanpon ko raste mein dekh aayi thi

Ke tre shehar mein pohnchi to koi dar hi nah tha

Kahan se aati kiran zindagi ke zandan mein

Woh ghar mila tha mujhe jis mein koi dar hi nah tha

Badan mein phail gaya shaakh bail ki manind

Woh zakham sokhta kya, jis ka charah gar hi nah tha

Hawa ke laaye hue beej phir hawa mein gaye

Khulay thay phool kuch aisay ke jin mein zar hi nah tha

Qadam to rait pay saahil ne bhi rakhnay diya

Badan ko jakray hue sirf ik bhanwar hi nah tha

Poet: Parveen Shakir