Ghazal Urdu

Ghazal Urdu

Ghazal Urdu, best urdu poetry, Urdu poetry , Ghazal , Shayari , Sad Poetry And Funny Jokes, urdu best poetry 4u

Farz karo hum ehley wafa hon | Ibn E Insha

October 26, 2022 0
Farz karo hum ehley wafa hon | Ibn E Insha

Farz karo hum ehley wafa hon

Farz karo hum ehley wafa hon

Farz karo hum ehl-e-wafaa hon, farz karo deewane hon,
Farz karo yeh donon baten jhooti hon, afsane hon,

Farz karo yeh jee ki bipta jee se jorr sunayi ho,
Farz karo abhi aur ho itni aadhi hum ne chupaayi ho,

Farz karo tumhen khush karne ke dhoonde hum ne bahane hon,
Farz kar yeh nain tumhare sachh-much ke mai-khane hon,

Farz karo yeh rog ho jhoota, jhooti peet hamari ho
Farz karo is peet ke rog main saans bhi hum par bhari ho

Farz karo yeh jog ba-jog ka hum ne dhong rachaya ho
Farz karo bas yehi haqeeqat, baqi sab kuch maya ho

Dekh meri jaan keh gaye baahu kaun dilon ki jaane hu
Basti basti sehraa sehraa lakhon karen deewane hu

Jogi bhi jo nagar nagar main maare maare phirte hain
Kaasa liye bhabuut ramaye sab ke dvare phirte hain

Shayar bhi jo meethi baani bol ke mann ko harte hain
Banjare jo unche damon jee ke saude karte hain

In main sache moti bhi hain, in main kankar pathar bhi
In main uthle paani bhi hain, in main gehre saagar bhi

Gori dekh ke aage barrhna sab ka jhoota sacha hu
Doobne wali doob gayi woh gharra tha jis kacha hu

 Ibn E Insha

Insha Ji Utho Ab Kooch Karo | Ibn E Insha

October 25, 2022 0
Insha Ji Utho Ab Kooch Karo | Ibn E Insha

Insha Ji Utho Ab Kooch Karo

Insha Ji Utho Ab Kooch Karo

Insha Ji Utho Ab Kooch Karo, Iss Shahr Mai Ji Ka Lagana Kya
Wahshi Ko Sukoo’N Say Kya Matlab, Jogi Ka Nagar MaiN Thikana Kya

Iss Dil K Dareeda Daaman Ko, Dekho To Sahi, Socho To Sahi
Jiss Jholi Mai Sau Chaid Huay, Uss Jholi Ka Phailana Kya

Shab Beeti Chaand Bhi Doob Chala, Zanjeer Pari Darvazay Mai
KyuN Dair Gaaye Ghar Aaye Ho, Sajni Say Karo Gay Bahana Kya

Phir Hijar Ki Lambi Raat Miaan, Sanjog Ki To Hai Aik Ghari
Jo Dil Mai Hai Lab Par Aanay Do, Sharmana Kya Ghabrana Kya

Uss Roz Jo Unko Dekha Hai, Abb Khuwaab Ka Aalam Lagta Hai
Uss Roz Jo Unn Say Baat Huee, Wo Baat Bhi Thi Afsana Kya

Iss Husan K Suchchay Moti Ko, Hum Dekh Sakain Par Chhoo Na SakaiN
Jise Dekh Sakain Par Chu Na Sakain, Wo Daulat Kya Wo Khazana Kya

Usko Bhi Jala Dukhtay Huay Mun, Ik Shola Aag Bhabhuka Bann
Younh Aansu Mai Behh Jana Kya, Younh Maati Mai Mil Jana Kya

Jab Shahr K Log Na Rasta DaiN,  KyuN Bann Mai Na Ja Basraam Kare
Deewano’n Ki See Na Baat Karay, To Aur Karay Dewana Kya

(Ibn E Insha)

Phirta Liye Chaman Main | Ibrahim Zauq

October 12, 2022 0
Phirta Liye Chaman Main | Ibrahim Zauq

 Phirta Liye Chaman Main

Phirta Liye Chaman Main
Phirta Liye Chaman Main Hai Deewanapan Mujhe
Zanjeer-e-Paa Hai Mauj-e-Naseem-e-Chaman Mujhe

Hoon Shama Ya Keh Shola Khabar Kuch Nahin Magar
Fanoos Ho Raha Hai Mera Pairhan Mujhe

Kooche Mein Teri Kon Tha Leta Bhala Khabar
Shab Chaandni Ne Aa Ke Pehnaaya Kafan Mujhe

Dekhlaata Ik Ada Mein Hai Sau Sau Tarah Ke Banaao
Kis Saadapan Ke Saath Tera Bankpan Mujhe

Aaya Hoon Noor Le Ke Mein Bazm-e-Sukhan Mein "Zauq"
Aankhon Pe Sab Bethaaen Ge Ahl-e-Sukhan Mujhe

 Ibrahim Zauq



Laai hayat aae qaza le chali chale | Ibrahim Zauq

October 10, 2022 0
Laai hayat aae qaza le chali chale | Ibrahim Zauq

 Laai hayat aae qaza le chali chale

Laai hayat aae qaza le chali chale

Laai hayat aae qaza le chali chale
Apni khushi na aae na apni khushi chale

Ho umr-e-khizr bhi to ho maalum vaqt-e-marg
Ham kya rahe yahan abhi aae abhi chale

Ho umr-e-khizr bhi to ho maalum vaqt-e-marg
Ham kya rahe yahan abhi aae abhi chale

Ham se bhi is bisat pe kam honge bad-qimar
Jo chaal ham chale so nihayat buri chale

Behtar to hai yahi ki na duniya se dil lage
Par kya karen jo kaam na be-dil-lagi chale

Laila ka naaqa dasht men tasir-e-ishq se
Sun kar fughan-e-qais baja-e-hudi chale

Nazan na ho khirad pe jo hona hai ho vahi
Danish tiri na kuchh miri danish-vari chale

Duniya ne kis ka rah-e-fana men diya hai saath
Tum bhi chale chalo yunhi jab tak chali chale

Jaate hava-e-shauq men hain is chaman se ‘zauq’
Apni bala se bad-e-saba ab kabhi chale

 Ibrahim Zauq

Ab to ghabra ke yeh kehte hain | Mohammad Ibrahim Zauq

October 05, 2022 0
Ab to ghabra ke yeh kehte hain | Mohammad Ibrahim Zauq

 Ab to ghabra ke yeh kehte hain

Ab to ghabra ke yeh kehte hain

Ab to ghabra ke yeh kehte hain ke mar jayen ge
Mar ke bhi chain nah paaya to kidhar jayen ge

Samnay chasham Gohr baar ke keh do darya
Charh ke gir aaye to nazron se utar jayen ge

laaye jo mast hain turbat pay gulaabii ankhen
Aur agar kuch nahi do phool to dhar jayen ge

Bachchen ge reh guzar yaar talak kionkar hum
Pehlay jab tak nah do aalam se guzar jayen ge

Aag dozakh ki bhi ho jaye gi pani pani
Jab yeh aassi arq sharam se tar jayen ge

Hum nahi woh jo karen khoon ka daawa tujh se
Balkay pouchye ga kkhuda bhi to makr jayen ge

Rukh roshan se naqaab –apne ulat dekho tum
Mohar o Meh nazron se yaaron ki utar jayen ge

Zouq jo madrassa ke bigre hue hain mُla
Un ko Meh khanah mein le aao sanwar jayen ge

Poet : Mohammad Ibrahim Zauq

Tum aur fareb khao bayan-e-raqib se | Agha Hashar Kashmir

September 24, 2022 0
Tum aur fareb khao bayan-e-raqib se | Agha Hashar Kashmir

 Tum aur fareb khao bayan-e-raqib se

Tum aur fareb khao bayan-e-raqib se

Tum aur fareb khao bayan-e-raqib se
Tum se to kam gila hai ziyada nasib se

Goya tumhari yad hi mera ilaj hai
Hota hai pahron zikr tumhara tabib se

Barbad-e-dil ka akhri saramaya thi umid
Vo bhi to tum ne chhin liya mujh garib se

Dhundla chali nigah dam-e-wapasi hai ab
A pas a ke dekh lu tujh ko qarib se

Agha Hashar Kashmir

Yaad mein teri jahan ko bhoolta jata hon mein | Agha Hashar Kashmiri

September 18, 2022 0
Yaad mein teri jahan ko bhoolta jata hon mein |  Agha Hashar Kashmiri

 Yaad mein teri jahan ko bhoolta jata hon mein 

Yaad mein teri jahan ko bhoolta jata hon mein

Yaad mein teri jahan ko bhoolta jata hon mein
Bhoolnay walay, kabhi tujh ko bhi yaad aata hon mein

Ik dhundlaa sa tasawwur hai ke dil bhi tha yahan
Ab to seenay mein faqat ik tees si paata hon mein

Aarzuon ka shabab aur merg hasrat haae haae
Jab bahhar aayi gulisitan mein to murjhata hon mein

Hashar meri shair goi hai faqat faryaad shoq
Apna gham dil ki zuba mein, dil ko samajhata hon mein


Agha Hashar Kashmiri