Gul tira rang chura laae hain gulzaron mein | Ahmad Nadeem Qasmi - Ghazal Urdu

Ghazal Urdu, best urdu poetry, Urdu poetry , Ghazal , Shayari , Sad Poetry And Funny Jokes, urdu best poetry 4u

Gul tira rang chura laae hain gulzaron mein | Ahmad Nadeem Qasmi

Gul tira rang chura laae hain gulzaron mein

 
Gul tira rang chura laae hain gulzaron mein

Gul tira rang chura laae hain gulzaron mein

Jal raha hun bhari barsat ki bauchharon mein

 

Mujh se katra ke nikal ja magar ai jan-e-haya

Dil ki lau dekh raha hun tire ruḳhsaron mein

 

Husn-e-be-gana-e ehsas-e-jamal achchha hai

Ghunche khilte hain to bik jaate hain bazaron mein

 

Zikr karte hain tira mujh se ba-unvan-e-jafa

Chara-gar par piro lae hain talvaron mein

 

Zakhm chhup sakte hain lekin mujhe fan ki saugand

Gham ki daulat bhi hai shamil mire shahkaron mein

 

Muntazir hain ki koi tesha-e-taḳhliq uTha

Kitne asnam abhi dafan hain kohsaron mein


Mujh ko nafrat se nahin pyaar se maslub karo

Main to shamil hun mohabbat ke gunahgaron mein

AHMAD NADEEM QASMI

No comments:

Post a Comment

Note: Only a member of this blog may post a comment.