Wo Koi Aur Na Tha, Chand Khusk Patay Thay
وہ کوئی اور نہ تھا چند خشک پتے تھے
شجر سے ٹوٹ کے جو فصل گل پہ روئے تھے
ابھی ابھی تمہیں سوچا تو کچھ نہ یاد آیا
ابھی ابھی تو ہم اک دوسرے سے بچھڑے تھے
تمہارے بعد چمن پر جب اک نظر ڈالی
کلی کلی میں خزاں کے چراغ جلتے تھے
تمام عمر وفا کے گناہ گار رہے
یہ اور بات کہ ہم آدمی تو اچھے تھے
شب خموش کو تنہائی نے زباں دے دی
پہاڑ گونجتے تھے دشت سنسناتے تھے
وہ ایک بار مرے جن کو تھا حیات سے پیار
جو زندگی سے گریزاں تھے روز مرتے تھے
نئے خیال اب آتے ہیں ڈھل کے آہن میں
ہمارے دل میں کبھی کھیت لہلہاتے تھے
یہ ارتقا کا چلن ہے کہ ہر زمانے میں
پرانے لوگ نئے آدمی سے ڈرتے تھے
ندیمؔ جو بھی ملاقات تھی ادھوری تھی
کہ ایک چہرے کے پیچھے ہزار چہرے تھے
احمد ندیم قاسمی, غزل شاعری
Wo Koi Aur Na Tha, Chand Khusk Patay Thay
Shjar Se Toot Ke Jo Fasal-e Gul Pe Roye Thay
Abi Abi Tumhain Socha Tu Kuch Na Yaad Aya
Abi Abi Tu Ham Aik Dosre Se Bichre Thay
Tumhare Baad Chaman Par Jab Ik Nazar Dali
Kali Kali Mai Khazan Ke Chiragh Jalte Thay
Tmam Umar Wafa Ke Gunahgar Rahe
Ye Aur Baat Ke Ham Aadmi Tu Ache Thay
Shab-e Khamosh Ko Tanhai Ne Zuban De Di
Phar Gonjte Thay Dashat Sansnate Thay
Wo Aik Bar Mary Jin Ko Tha Hayat Se Pyar
Jo Zindagi Se Graizan Thay Roz Marte Thay
Naye Khayal Ab Aate Hai Dhal Ke Zahan Mein
Hmare Dil Mai Kabi Khait Lehlhate Thay
Ye Irtiqa Ka Chalan Hai K Har Zmane Mein
Purane Log Naye Admi Se Darte Thay
Nadeem Jo Bi Mulaqat Thi Adhori Thi
K Aik Chehray Ke Peche Hzar Chehray Thay
Ahmad Nadeem Qasmi Poetry,
