Aisa hai ke sab khawab musalsal nahi hotay
ایسا ہے کہ سب خواب مسلسل نہیں ہوتے
جو آج تو ہوتے ہیں مگر کل نہیں ہوتے
اندر کی فضاؤں کے کرشمے بھی عجب ہیں
مینہ ٹوٹ کے برسے بھی تو بادل نہیں ہوتے
کچھ مشکلیں ایسی ہیں کہ آساں نہیں ہوتیں
کچھ ایسے معمے ہیں کبھی حل نہیں ہوتے
شائستگیٔ غم کے سبب آنکھوں کے صحرا
نمناک تو ہو جاتے ہیں جل تھل نہیں ہوتے
کیسے ہی تلاطم ہوں مگر قلزم جاں میں
کچھ یاد جزیرے ہیں کہ اوجھل نہیں ہوتے
عشاق کے مانند کئی اہل ہوس بھی
پاگل تو نظر آتے ہیں پاگل نہیں ہوتے
سب خواہشیں پوری ہوں فرازؔ ایسا نہیں ہے
جیسے کئی اشعار مکمل نہیں ہوتے
احمد فراز
Aisa hai ke sab khawab musalsal nahi hotay
Jo aaj to hotay hain magar kal nahi hotay
Andar ki fizaon ke krshme bhi ajab hain
Meen toot ke barsay bhi to baadal nahi hotay
Kuch mushkilain aisi hain ke aasan nahi hoten
Kuch aisay muamay hain kabhi hal nahi hotay
Shayastagi gham ke sabab aankhon ke sehraa
Nmnak to ho jatay hain jal thal nahi hotay
Kaisay hi talatum hon magar qalzum jaan mein
Kuch yaad jazeeray hain ke oojhal nahi hotay
Ashaaq ke manind kayi ahal hawas bhi
Pagal to nazar atay hain pagal nahi hotay
Sab khuwaishe poori hon faraz aisa nahi hai
Jaisay kayi ashaar mukammal nahi
Poet: Ahmad Faraz
