Kaha Tha Kis Ney Ke Ehd e Wafa Karo Us Se
کہا تھا کس نے کہ عہدِ وفا کرو اُس سے
جو یوں کِیا ہے تو پھر کیوں گلہ کرو اُس سے
نصیب پھر کوئی تقریبِ قرب ہو کہ نہ ہو
جو دل میں ہوں، وہی باتیں کہا کرو اُس سے
یہ اہلِ بزم تنک حوصلہ سہی پھر بھی
ذرا فسانۂ دل ابتدا کرو اُس سے
یہ کیا کہ تم ہی غمِ ہجر کے فسانے کہو
کبھی تو اُس کے بہانے سنا کرو اُس سے
فرازؔ ترکِ تعلق تو خیر کیا ہو گا
یہی بہت ہے کہ کم کم ملا کرو اُس سے
احمد فراز
Kaha Tha Kis Ney Ke Ehd e Wafa Karo Us Se
Jo Yun Kiya Hai To Phir Kyun Gilah Karo Us Se
Naseeb Phir Koi Tqrib Qurb Ho Ke Nah Ho
Jo Dil Mein Hon, Wohi Bateen Kaha Karo Us Se
Yeh Ehley Bazm Tanak Hosla Sahi Phir Bhi
Zara Fasana Dil Ibtida Karo Us Se
Yeh Kya Ke Tum Hi Gham E Hijar Ke Fasanay Kaho
Kabhi To Uss Ke Bahanay Suna Karo Uss Se
Faraz Tark E Talluq To Kher Kya Ho Ga
Yahi Bohat Hai Ke Kam Kam Mila Karo Us Se
Ahmad Faraz Shayari
