Nazr Fareb-e Qaza Kha Gai Tu Kia Ho Gya
نظر فریب قضا کھا گئی تو کیا ہوگا
حیات موت سے ٹکرا گئی تو کیا ہوگا
بزعم ہوش تجلی کی جستجو بے سود
جنوں کی زد پہ خرد آ گئی تو کیا ہوگا
نئی سحر کے بہت لوگ منتظر ہیں مگر
نئی سحر بھی جو کجلا گئی تو کیا ہوگا
نہ رہنماؤں کی مجلس میں لے چلو مجھ کو
میں بے ادب ہوں ہنسی آ گئی تو کیا ہوگا
شباب لالہ و گل کو پکارنے والو
خزاں سرشت بہار آ گئی تو کیا ہوگا
خوشی چھنی ہے تو غم کا بھی اعتماد نہ کر
جو روح غم سے بھی اکتا گئی تو کیا ہوگا
یہ فکر کر کہ ان آسودگی کے دھوکوں میں
تری خودی کو بھی موت آ گئی تو کیا ہوگا
لرز رہے ہیں جگر جس سے کوہساروں کے
اگر وہ لہر یہاں آ گئی تو کیا ہوگا
وہ موت جس کی ہم احسانؔ سن رہے ہیں خبر
رموز زیست بھی سمجھا گئی تو کیا ہوگا
احسان دانش
Nazr Fareb-e Qaza Kha Gai Tu Kia Ho Gya
Hayat Mot Se Takra Gai Tu Kia Ho Gya
Nai Sehr Ke Bahut Log Muntazir Hain Magar
Nai Sehr Bi Kujla Gai Tu Kia Ho Gya
Gham-e Hayat Se Beshak Hai Khudkushi Asan
Mgar Jo Mot Bi Sharma Gai Tu Kya Ho Gya
Shbab Lala-o Gul Ko Pukarne Walo
Khazan Sarisht-e Bhar Aa Gai Tu Kya Ho Gya
Khushi Chini Hai Tu Gham Ka Bi Atemad Na Kar
Jo Ruh Gham Se Bi Ukta Gai Tu Kya Ho Gya
Ehsan Danish Poetry
