Sab Ko Ruswa Bari Bari Kya Karo
سب کو رسوا باری باری کیا کرو
ہر موسم میں فتوے جاری کیا کرو
راتوں کا نیندوں سے رشتہ ٹوٹ چکا
اپنے گھر کی پہرے داری کیا کرو
قطرہ قطرہ شبنم گن کر کیا ہوگا
دریاؤں کی دعوے داری کیا کرو
روز قصیدے لکھو گونگے بہروں کے
فرصت ہو تو یہ بے گاری کیا کرو
شب بھر آنے والے دن کے خواب بنو
دن بھر فکر شب بے داری کیا کرو
چاند زیادہ روشن ہے تو رہنے دو
جگنو بھیا جی مت بھاری کیا کرو
جب جی چاہے موت بچھا دو بستی میں
لیکن باتیں پیاری پیاری کیا کرو
رات بدن دریا میں روز اترتی ہے
اس کشتی میں خوب سواری کیا کرو
روز وہی اک کوشش زندہ رہنے کی
مرنے کی بھی کچھ تیاری کیا کرو
خواب لپیٹے سوتے رہنا ٹھیک نہیں
فرصت ہو تو شب بے داری کیا کرو
کاغذ کو سب سونپ دیا یہ ٹھیک نہیں
شعر کبھی خود پر بھی طاری کیا کرو
راحت اندوری
Sab Ko Ruswa Bari Bari Kya Karo
Har Mosam Mein Fatwe Jari Kya Karo
Raaton Ka Neendon Se Rishta Toot Chuka
Apne Ghar Ki Pehre Dari Kya Karo
Qatra Qatra Shabnam Gin Kar Kya Ho Ga
Daryon Ki Dawe-Dari Kya Karo
Roz Qaseday Likhon Gonge Behron Ke
Fursat Ho Tu Ye Begari Kya Karo
Shabr Bhar Aane Wale Din Ke Khwab Buno
Din Bhar Fikar Shab Bedari Kya Karo
Chand Zayada Roshan Hai Tu Rehne Do
Jugnu Bhaya Ji Mat Bhari Kya Karo
Jab Ji Chahe Mot Bicha Do Basti Mein
Lekin Batain Payari Payari Kya Karo
Rata B-Din Darya Mein Roz Utarti Hai
Is Kashti Mein Khob Sawari Kya Karo
Roz Wohi Ik Koshish Zinda Rehne Ki
Marne Ki Bhi Kuch Tayari Kya Karo
Khwab Lapete Sote Rehna Thek Nahi
Fursat Ho Tu Shab Bedari Kya Karo
Kaghaz Ko Sab Sonp Dya Ye Thek Nahi
Sher Kabi Khud Par Bhi Taari Kya Karo
