Teri Baatain Hi Sunane Aye
تیری باتیں ہی سنانے آئے
دوست بھی دل ہی دکھانے آئے
پھول کھلتے ہیں تو ہم سوچتے ہیں
تیرے آنے کے زمانے آئے
ایسی کچھ چپ سی لگی ہے جیسے
ہم تجھے حال سنانے آئے
عشق تنہا ہے سر منزل غم
کون یہ بوجھ اٹھانے آئے
اجنبی دوست ہمیں دیکھ کہ ہم
کچھ تجھے یاد دلانے آئے
دل دھڑکتا ہے سفر کے ہنگام
کاش پھر کوئی بلانے آئے
اب تو رونے سے بھی دل دکھتا ہے
شاید اب ہوش ٹھکانے آئے
کیا کہیں پھر کوئی بستی اجڑی
لوگ کیوں جشن منانے آئے
سو رہو موت کے پہلو میں فرازؔ
نیند کس وقت نہ جانے آئے
Teri Baatain Hi Sunane Aye
Dost Bhi Dil Hi Dukhane Aye
Phol Khilte Hain Tu Ham Sochte Hain
Tere Aane Ke Zamane Aye
Aesi Kuch Chup Si Lagi Hai Jese
Ham Tuje Haal Sunane Aye
Ishq Tanha Hai Sar-e Manzil Gham
Kon Ye Bojh Uthane Aye
Ajnabi Dost Hamain Dekh Keh Ham
Kuch Tuje Yaad Dilane Aye
Dil Darhakta Hai Safar Ke Hangam
Kash Phir Koi Bulane Aye
Ab Tu Rone Se Bhi Dil Dukhta Hai
Shayad Ab Hosh Thikane Aye
Kya Kahin Phir Koi Basti Ujri
Log Kyun Jashan Manane Aye
So Raho Moat Ke Pehlo Me Faraz
Neend Kis Waqt Na Jane Aye
Ahmad Faraz Shayari
