Phirta Liye Chaman Main
Phirta Liye Chaman Main Hai Deewanapan Mujhe
Zanjeer-e-Paa Hai Mauj-e-Naseem-e-Chaman Mujhe
Hoon Shama Ya Keh Shola Khabar Kuch Nahin Magar
Fanoos Ho Raha Hai Mera Pairhan Mujhe
Kooche Mein Teri Kon Tha Leta Bhala Khabar
Shab Chaandni Ne Aa Ke Pehnaaya Kafan Mujhe
Dekhlaata Ik Ada Mein Hai Sau Sau Tarah Ke Banaao
Kis Saadapan Ke Saath Tera Bankpan Mujhe
Aaya Hoon Noor Le Ke Mein Bazm-e-Sukhan Mein "Zauq"
Aankhon Pe Sab Bethaaen Ge Ahl-e-Sukhan Mujhe
 Ibrahim Zauq
No comments:
Post a Comment
Note: Only a member of this blog may post a comment.